راگەیەنراوی کۆبوونەوەی سەرۆکایەتی پەرلەمان و سەرۆکی فراکسیۆنەکان سه‌باره‌ت به‌پرسی ده‌ستور

18/11/2014 01:00:00 م
ئەمڕۆ ١٨-١١-٢٠١٤ دەستەی سەرۆکایەتی پەرلەمان و سەرۆکی فراکسیۆنەکان، لە پەرلەمانی کوردستان بۆ گفتوگۆکردن لەسەر بابەتی (هەمواری ڕەشنووسی دەستووری هەرێمی کوردستان) کۆبوونەوە.
بەخۆشحاڵییەوە دیدگای هاوبەش و سازانی نیشتمانی لەسەر پرسی دەستوور زاڵبوو بەسەر کۆبوونەوەکەدا و هەموان کۆکبوون کە سەرەڕای رێزگرتن لەهەوڵ و کۆششەکانی رابردوو بۆ نووسینەوەی پڕۆژەی دەستووری هەرێمی کوردستان، بەڵام لەمڕۆوە هەموان هەوڵ دەدەین بەدیدێکی کراوەوە بڕوانینە ئایندەو ململانێ سیاسیی و ئایدۆلۆژییەکان لەم پرسەدا وەلا بنێین.
کۆبوونەوەکە بڕیاریدا کە هەموان پێکەوە کار بکەین بۆ نووسینی دەستورێک کە سازانی نیشتمانی لەسەر بێت و هەموو لایەنەکان تێیدا براوەبن، چونکە دەستوور گرێبەستێکی کۆمەڵایەتییە لەنێوان هەموو پێکهاتە جیاوازەکانی گەلەکەمان.  کۆبوونەوەکە بڕیاریدا کە هەوڵ و گفتوگۆکان  بەو ئاراستەیە بەردەوام بێت.

رۆژمێرى رووداوه‌كان