سه‌رۆكی په‌رله‌مان به‌سه‌رۆكایه‌تی وه‌فدێك سه‌ردانی ئیتالیا ده‌كات

10/03/2015 10:55:00 م


سەرۆكی پەرلەمان چاوی بەسەرۆكی ئەنجومەنی پیران وسەرۆكی ئەركانی سوپای ئیتالیا دەكەوێت

تارق جەوهەر سارمەمی راوێژكاری راگەیاندن لەپەرلەمانی كوردستان  بەمالپەری پەرلەمانی كوردستانی راگەیاندن:  شەوی رابردوو 8-2-2015  وەفدیكی بالای پەرلەمانی كوردستان بەسەرۆكایەتی د. یوسف محەمەد سەرۆكی پەرلەمانی كوردستان، بەیاوەری سەرۆكی فراكسیۆنەكانی پارتی وگۆران ویەكێتی ویەكگرتووی ئیسلامی وكۆمەلی ئیسلامی ولیستی رافیدەین وسەرۆكی لیژنەی رەوەندی كوردی لەپەرلەمانی كوردستان، بەسەردانیكی فەرمی  بەرەو هەردوو ولاتی ئیتالیاو  سوید بەریكەوتن.   

ئامانجی سەرەكی سەردانەكە جگەلە گەشەپێدانی پەیوەندی نیوان پەرلەمانی كوردستان و هەریەك لەپەرلەمانی ئیتالیاو سوید وچۆنیەتی  سوود وەرگرتنە لەئەزموون وسیستمی كاری پەرلەمانی لەو دوو ولاتەدا، وەفدەكە هەولدەدات پشتیوانی سیاسیی وهاوكاری سەربازی زیاتری ئەو  دوو ولاتە  بۆ هێزی پێشمەرگەو حكومەتی هەریم وگەلی كوردستان لە رووبەرووبوونەوەی شەری دژ بە داعش ، بەدەستهینانی كۆمەك وهاوكاری مرۆیی زیاترە بۆ ئاواراەكانی  روویان لەهەریمی كوردستان كردووە.

 بریاریشە ئەمرۆ دووشەممە 9-2-2015  لەدەستپێكی گەشتە سیاسی ودیبلۆماسیەكەیاندا د. یوسف محەمەد  سەرۆكی پەرلەمانی كوردستان و وەفدی هاوریی لەلایەن سەرۆكی ئەنجومەنی پیرانی ئیتالیا پێشوازیان لێبكرێت. دواتر سەرۆكی پەرلەمانی كوردستان بەیاوەری شاندەكەی پەرلەمان لەگەلە سەرۆكی ئەركانی سوپای ئیتالیا كۆببنەوە .

لەبەشێكی تری لیدوانەكەیدا راوێژكاری راگەیاندنی پەرلەمان روونیكردەوە بریارە  سەرۆكی پەرلەمانی كوردستان و وەفدی هاورێی لەدرێژەی سەردانەكەیاندا بۆ ولاتای ئیتالیا كەتا 15ی ئەم مانگە دەخایەنێ‌،  رۆژانی داهاتوو چاویان بە فراكسیۆنەكانی ئەنجومەنی نوێنەران وئەنجومەنی پیرانی ئیتالیا وسەرۆكی كۆمیتەی پەیوەندییەكانی دەرەوەی پەرلەمانی ئیتالیا بكەوێت.

 هەروەك رایگەیاند: چاوەروان دەكرێت سەرۆكی پەرلەمانی كوردستان  سیمینارێك لەبارەی (( رەوشیی سیاسی وئەمنی وئەزموونی دیموكراتی هەریمی كوردستان)) لەبەر رۆشنایی جەنگی دژ بەتیرۆریستانی داعش لە بارەگای ((كۆمەلەی ئیتالی بۆ  رێكخستنی  كاروباری  دیبلۆماسی ونێودەولەتی  - SIOI  )) پێشكە بكات.

لەبارەی بەرنامەی سەردانەی وەفدەكەی پەرلەمانیش بۆ ولاتی سوید تارق جەوهەر بەسایتی پەرلەمانی راگەیاند: بریارە وەفدی بالای پەرلەمانی كوردستان بەسەرۆكایەتی د. یوسف محەمەد  وەفدی هاورێی لەرۆژانی 15 – 19ی ئەم مانگە  سەردانی  ولاتی سوید بكەن  وچاویان بە سەرۆكی پەرلەمانی سوید و وەزیری دەرەوەی ئەو ولاتە  بكەوێت،  دواتریش لەگەل رەوەندی كوردی لەولاتی سوید  كۆببێتەوە.

جێگای باسە لەخولی چوارەمی هەلبژاردنی پەرلەمانی كوردستان، دوای سەردانی ولاتی هۆلەندا،  ئەمە دووەم سەردانی فەرمی سەرۆكی پەرلەمانی كوردستانە  بۆ ولاتانی ئەوروپا.

 سەرۆکی پەرلەمان لەگەڵ سەرۆکی ئەنجومەنی پیرانی ئیتاڵیا و سوپاسالاری ئەو وڵاتە کۆبوویەوە

بەرپرسانی ئیتاڵیا: بەردەوام دەبین لە هاوکارییەکانمان بۆ هەرێمی کوردستان

د.یوسف محەمەد سادق، سەرۆکی پەرلەمانی کوردستان، لەیەکەمین وێستگەی سەردانەکەیدا بۆ وڵاتی ئیتاڵیا  دوای نیوەڕۆی ئەمڕۆ دوو شەممە، بە کاتی ئەورپا سەردانی ئەنجومەنی سیناتی ئیتاڵیا(ئەنجومەنی پیران) و ئەرکانی سوپای ئەو وڵاتەی کرد  و لە لایەن سەرۆکی ئەنجومەنی پیران و سوپاسالاری ئەو وڵاتە پێشوازیکرا.

لە دوو کۆبوونەوەی جیاوازدا سەرۆکی پەرلەمانی کوردستان سوپاسی گەل و حکومەت و پەرلەمانی ئەو وڵاتەی کرد، کە هاوکاری پێشمەرگە و هەرێمی کوردستان دەکەن لە شەڕی دژ بە تیرۆرستاندا.

لە کۆبوونەوەکەیدا لەگەڵ (پیێترۆ گراسۆ) سەرۆکی ئەنجومەنی پیرانی ئیتاڵیا، سەرۆکی پەرلەمان، دواهەمین قۆناغەکانی شەڕی دژ بە تیرۆرستانی بۆ گراسۆ خستە ڕوو. ئاماژەی بەوەدا بۆ بنبڕکردنی قەیران و توندوتیژیەکانی ناوچەکە، لە داڕشتنەوەی نەخشەی ناوچەکە، ڕێز لە ئیرادەی گەلانی ناوچەکە بە تایبەت گەلی کوردستان بگیرێت. سەرۆکی ئەنجومەنی پیران، دەستخۆشی لە سەرکەوتنەکانی هێزی پێشمەرگەی کوردستان کرد و ستایشی پێکەوەژیانی نەتەوە و ئایینە جیاوازەکانی کرد لە هەرێمدا و، داعشی بە دوژمنی مرۆڤایەتی پێناسەکرد.

دواتریش سەرۆکی پەرلەمان، سەردانی فەرماندەی گشتی هێزە سەربازییەکانی ئیتاڵیای کرد و لەلایەن ئەدمێراڵ(بینێللی ماندێلی) سوپاسالاری ئەو وڵاتە پێشوازیکرا، لەدانیشتنێکدا، سەرۆکی پەرلەمان، بەناوی پەرلەمان و خەڵکی کوردستانەوە، سوپاسی سەربازانی ئیتاڵیا کرد، کە لە سەرەتای شەڕی دژ بە تیرۆرستان هاوکاری پێشمەرگە و هەرێمی کوردستانیان کردووە، داواشیکرد مەشق و هاوکارییە سەربازییەکانیان بۆ پێشمەرگە فراوانترکەن، چونکە ئەمڕۆ پێشمەرگە سیمبوڵی بەرەنگاربوونەوەی تیرۆرستانە.

سوپاسالاری ئیتاڵیا، وتی "پێشمەرگە ئازایانە بەرەنگاریی تیرۆرستان دەبێتەوە، سەربازانی ئێمە بەردەوام دەبین لە هاوکارییەکانمان بۆ هەرێمی کوردستان و لە ئایندەیەکی نزیکدا سەردانی هەرێمی کوردستان دەکەم و لە نزیکەوە سەربازە ئیتاڵییەکان و پێشمەرگە و بەرەکانی شەڕ دژ بە تیرۆرستان بەسەر دەکەمەوە.

لە هەردوو دانیشتنەکەدا نوێنەری حکومەتی هەرێمی کوردستان لە ئیتاڵیا و نوێنەری فراکسیۆنەکانی پەرلەمانی کوردستان ئامادەی دانیشتنەکە بوون و سەرۆکی پەرلەمان خەڵاتی تایبەتی پەرلەمانی پێشکەش بە سەرۆکی ئەنجومەنی پیران و سوپاسالاری ئەو وڵاتە کرد، کە لۆگۆی پەرلەمانی کوردستان و بەرهەمێکی دەستی و فۆلکلۆری کوردی بوو.

شاندی پەرلەمانی کوردستان، بەسەرۆکایەتی د.یوسف محەمەد سادق و بە یاوەری سەرۆکی فراکسیۆنەکانی پەرلەمان سەرۆکی لیژنەی پەیوەندییەکانی دەرەوە، سەردانی ئیتاڵیا و سوید دەکەن و چەندین دیدار و کۆبوونەوە لەگەڵ بەرپرسانی ئەو دوو وڵاتە ساز دەکەن.

 لەئەنجومەن پیران و پەرلەمانی ئیتاڵیا

سەرۆکی پەرلەمان : هیوادارین هەڵەکانی جەنگی جیهانی یەکەم بەرامبەر بە کورد دوبارە نەکەنەوە

 10/02/2015 04:12:00 م

د.یوسف محەمەد سادق، سەرۆکی پەرلەمانی کوردستان، دەڵێت: سوپاسی ئیتاڵیا دەکەین، کە یەکەم وڵات بوو لە شەڕی دژ بە تیرۆرستاندا، پشتیوانی هەرێمی کوردستانی کرد، سەرۆک وەزیرانی ئیتاڵیاش یەکەم سەرۆکی ئەوروپی بوو هاتە هەرێمی کوردستان بۆ پشتیوانیمان دژ بە تیرۆرستان، هیوادارین ئەورپا هەڵەکانی جەنگی جیهانی یەکەم بەرامبەر بە کورد دوبارە نەکاتەوە، کە ڕیگرییان لە درووستبوونی دەوڵەتی کوردی کرد، چونکە ئێستا کورد لە ناوچەکەدا بێ دەوڵەتە، ئەمە وایکردووە هەر شەڕێک لەو ناوچەیە ڕووبدات، دەبێت ئێمە قوربانی بۆ بدەین، بۆیە نەخشەی ناوچەکە  لە گۆڕانکارییەکی گەورەدایە، هیوادارین لە داڕشتنەوەی نەخشەی ناوچەکە ڕێز لە ئیردادەی گەلی کورد بگیرێت."

ئەم وتانەی سەرۆکی پەرلەمانی کوردستان، لە میانی دوو سەردانی جیاوازدا بوو بۆ پەرلەمان و ئەنجومەنی پیرانی ئیتاڵیا، کە نیوەڕۆی ئەمڕۆ ٣ شەممە بە یاوەری شاندێکی فراکسیۆنەکانی پەرلەمان ئەنجامیدا و لەلایەن سەرۆکی کۆمیسیۆنی پەرلەمانی ئیتاڵیا بۆ کاروباری دەرەوە و چەند سیناتۆرێکەوە پێشوازیکران.

سەرۆکی کۆمیسیۆنی پەرلەمانی ئیتاڵیا بۆ کاروباری دەرەوە ، دوای بەخێرهاتنی سەرۆکی پەرلەمان و شاندی یاوەری، ئاماژەی بە هاوکاری حکومەتی ئیتاڵیا کرد بۆ هەرێمی کوردستان لە بواری سەربازی و هاوکاریی مرۆیی، بە تایبەتیش هاوکاری ژنان و منداڵانی هێزی پێشمەرگەی کوردستانی کرد، سیناتۆرەکانی ئەنجومەنی پیران ئاماژەیان بەوەدا کورد لە ناوچەکە قوربانی زۆریداوە، بۆیە ئیتاڵیا و زۆربەی وڵاتانیش ڕێز لە داواکارییە ڕەواکانی دەگرن، چونکە ئێوە ڕووبەڕووی دڕەندەترین دوژمنی مرۆڤایەتی بوونەتەوە، کە تیرۆرستانی داعشە.

سیناتۆرەکانی ئەنجومەنی پیران ئاماژەیان بە ڕۆڵ و قوربانییە گەورەکانی کورد کرد لە ناوچەکەداو وتیان : ئێمە  لە ئەنجومەنی پیران و پەرلەمان بە زۆرینەی دەنگ پشتگیریی وڵاتەکەیان کرد کە هاوکاریی مرۆیی و سەربازی پێشکەش بە هەرێمی کوردستان بکرێت.

لە دیداری نوێنەری ڤاتیکان

سەرۆکی پەرلەمان: مه‌سیحیه‌كان له‌هەرێمی کوردستان نیشتەجێ بن و خاکەکەی خۆیان جێنەهێڵن

 10/02/2015 08:05:00 م

د.یوسف محەمەد سادق، سەرۆکی پەرلەمانی کوردستان، بە یاوەری شاندێکی پەرلەمانی و نوێنەری حکومەتی هەرێم لە ئیتاڵیا، لە دوو دیداری جیادا

ئەم شەو سێ شەممە، ١٠-٢ سەردانی کاردیناڵ فێرناندۆ فیلۆنی  سەرۆکی کۆمەڵەی مژدەی گەلان و نوێنەری  پاپا فرانچیسکۆ و پاول ڕیچارد گالەگێر وەزیری دەرەوەی ڤاتیکانی کرد.

لە دیداری نوێنەری ڤاتیکان سەرۆکی پەرلەمان وتی "لە هەرێمی کوردستان شانازی بە پیکەوە ژیانی ئاینی و نەتەوە جیاوازەکانەوە دەکەین، مەسیحی و یەزیدی و شەبەک و کاکەییەکان لە ناوچەکانی ترەوە هەڵدێن، لە کوردستان نیشتەجێ دەبن، داواکارین لە ڤاتیکان و دەوڵەتانی ئەوروپا هانی مەسیحییەکان نەدەن بێنە ئەوروپا و مافی پەنابەری وەربگرن، بەڵکو لە هەرێمی کوردستان نیشتەجێ بن و خاکەکەی خۆیان جێنەهێڵن.

نوێنەری پاپا: کوردستان سەدان ساڵە لانکەی پێکەوە ژیانی ئاینەکانه‌

نوێنەری پاپا: ڕاگەیاند، کوردستان سەدان ساڵە لانکەی پێکەوە ژیانی ئاینەکان، ئێستاش ئێوە بە هەمان شێوەی ڕابردوتان، درێژە بەو پێکەوە ژیانە دەدەن و لە ئێستادا ئاینزا جیاوازەکان لە هەرێمی کوردستان هەست بەئارامی و حەوانەوە دەکەن. دواتر سەرۆکی پەرلەمان و شاندی یاوەری سەردانی وەزیری دەرەوەی ڤاتیکانیان کرد و لە دیدارێکدا، سەرۆکی پەرلەمان، سڵاوی پەرلەمان و خەڵکی کوردستانی بە ڤاتیکان گەیاند و هیوای خواست لە داهاتوودا سەردانی هەرێمی کوردستان بکات و لە نزیکەوە ئاگای لە ڕەوشی ئاوارەکان بێت، داوایکرد حکومەتی ڤاتیکان هانی مەسیحییەکانی عێراق بدەن لە هەرێمی کوردستان بمێننەوە تا ناوچەکانیان ئازاد دەکرێت.

وەزیری دەرەوەی ڤاتیکان ڕایگەیاند"جێگەی خۆشحاڵییە، ئەو داوایەی ئێوە هەتانە، پاپا فرانچیسکۆش هەمان داواکاریی لە مەسیحییەکانی کوردستان و عێراق هەیە، بۆیە ئێمە لە ڤاتیکانەوە سڵاو دەنێرین بۆ ئازایەتی پێشمەرگە و خەڵکی کوردستان کە ئەمڕۆ بوونەتە سیمبولی پارێزگارییکردن لە گیانی پێکەوە ژیان

 لەکۆڕێکدا لە سەنتەری ئیتاڵی بۆ ڕێکخراوە نێودەوڵەتییەکان

سەرۆکی پەرلەمانی کوردستان: خەڵک لە کوردستان خوازیاری حکومەتێکی باشە، حکومەتی بێ گەندەڵی، حکومەتی مۆدێرن.

د.یوسف محەمەد سادق، سەرۆکی پەرلەمانی کوردستان، لە کۆڕێکدا لە سەنتەری ئیتاڵی بۆ ڕێکخراوە نێودەوڵەتییەکان (s.i.o.i) لەگەڵ فرانکۆ فرانتینی وەزیری پێشووی دەروەی ئیتاڵیا، ئەمشەو لە لە ڕۆمای پایتەخت بۆیان  سازکرا. هەردوولا باسیان لە بارودۆخی هەرێمی کوردستان و شەڕی دژ بە تیرۆرستان و ئازادی سیاسی و پەیوەندییە نێودەوڵەتییەکانی هەرێمی کوردستانی کرد. لە کۆڕەکەدا کۆمەڵێکی زۆر لە پەرلەمانتار و قوتابیانی دکتۆرا و دیبلۆماتکاران و سینات و ڕۆژنامەنووسی ئەو وڵاتە ئامادە بوو، وەزیری پێشووی دەرەوەی ئیتاڵیا باسێکی گشتی سەبارەت بە پێشمەرگە و شەڕی دژ بە تیرۆرستان و هاوکارییەکانی ئیتاڵیا بۆ هەرێمی کوردستان پێشکەشکرد، دواتر سەرۆکی پەرلەمانی کوردستان، لە کۆڕەکەدا باسی لە پەیوەندی مێژوویی نێوان هەرێمی کوردستان و ئیتاڵیای کرد، کە مێژووەکەی بۆ سەدەی سیانزەهەم دەگەڕێتەوە.

لە بەشێکی تری کۆڕەکەدا، سەرۆکی پەرلەمانی کوردستان، باسی لە پەیوەندی نێوان هەرێمی کوردستان و حکومەتی ناوەندی کرد و ئاماژەی بەوەدا ئەو کاتە عێراق بە یەکپارچە دەمێنێتەوە کە هەر پێکهاتەیەک خۆی حوکمی خۆی بکات و پەیڕەوی لە سیستەمی لامەرکەزی بکرێت.

لەبارەی کێشەکانی ئێستای هەرێمی کوردستان، سەرۆکی پەرلەمان وتی "هەرێمی کوردستان لە چەند ئاستێکدا کێشەی هەیە،کە ئەوانیش ئاستی ناوخۆیی، ئاستی ناوچەیی، ئاستی جیهانی، ئەم ئاستانەش ڕەگێکی مێژووییان هەیە، بۆیە ئێستا خەڵک لە کوردستان خوازیاری حکومەتێکی باشە، حکومەتی بێ گەندەڵی، حکومەتی مۆدێرن، لەم ڕووەشەوە هەنگاومان ناوە و پێویستیشمان بە ئەزموون و شارەزایی وڵاتێکی وەک ئیتاڵیا  و وڵاتانی تری ئەورپا هەیە .

 
 
 
 
سەرۆکی پەرلەمانی کوردستان سەردانی بارەگای سەرەکی خۆراکی جیهانی (w.f.p) دەکات

سەرۆکی ڕێکخراوەکە: هاوکارییەکانمان بۆ هەرێمی کوردستان بەردەوام دەبێت

د.یوسف محەمەد سادق، سەرۆکی پەرلەمانی کوردستان، سوپاسی سەرۆکی ڕێکخراوی خۆراکی جیهانی (w.f.p) دەکات، کە هەمیشە هاوکاریی ئاوارەکان و هەرێمی کوردستانیان کردووە لەکاتە تەنگانەکاندا. داواشی لە سەرۆکی ئەو ڕێکخراوە جیهانییە کرد، قورسایی کارەکانیان لەسەر هەرێمی کوردستان چربکەنەوە، چونکە سەڕەرای قەیرانی دارایی هەرێم ژمارەیەکی زۆر ئاوارە لە هەرێمی کوردستان دەژی.

ئەم وتانەی سەرۆکی پەرلەمان، لە میانی سەردانێکیدا هات، بۆ بارەگای سەرەکی ڕێکخراوی خۆراکی جیهانی (w.f.p) لە ڕۆمای پایتەختی ئیتاڵیا، کە ئەم ئێوارەی ئەمڕۆ سات ٧ بە کاتی ئەوروپا، سەردانەکە بەیاوەری سەرۆکی لیژنەی پەیوەندییەکان و ڕەوەندی کوردی پەرلەمان بوو، لەلایەن خاتوو ئارسرین کوزین سەرکی ڕێکخراوەکە پێشوازیکران.

لەسەرەتای دانیشتنەکەدا، سەرۆکی پەرلەمان، بارودۆخی هەرێمی کوردستان و قەیرانی دارایی و ڕەوشی ئاوارەکان، بۆ سەرۆکی ڕێکخراوی خۆراکی جیهانی خستە ڕوو.

سەرۆکی ڕێکخراوەکەش، سوپاسی ئەو زانیارییانەی کرد کە سەرۆکی پەرلەمان لە بارەی ڕەوشی ئاوارەکان و بژێوی هاوڵاتیان لە هەرێمی کوردستان خستییە روو. پەیمانی ئەوەشیدا کە هاوکارییە مرۆییەکانیان بۆ هەرێمی کوردستان و ئاوارەکان بەردەوام دەبێت، لە ئێستادا کارکردنی ڕێکخراوەکەمان لە کوردستان بەردەوامە، چونکە زۆربەی تیمە سەرەکی و چالاکەکانمان لە کوردستان کاردەکەن.

لە کۆتایی دیدارەکەشدا سەرۆکی پەرلەمان، وەک سوپاسێک بۆ هاوکارییەکانی ئەو ڕێکخراوە لە کوردستان، بەرهەمێکی دەستی کوردەواری پێشکەش بە سەرۆکی (w.f.p) کرد.


 

 

 


رۆژمێرى رووداوه‌كان