جێگری سه‌رۆكی په‌رله‌مان سه‌رۆكایه‌تی ده‌كات
وه‌فدی په‌رله‌مان هێزی پێشمەرگه له‌ رۆژئاوای دیجله‌ به‌سه‌ر ده‌كاته‌وه‌

10/03/2015 11:18:00 م

شاندێکی پەرلەمانی کوردستان بەسەرۆکایەتی جێگری سەرۆکی پەرلەمان سەردانی دەڤەری زوممار دەكات

ئەمرۆ چوار شەممە ٢٥/٢/٢٠١٥ شاندێکی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و چەند ئەندامێکی پەرلەمانی سەرجەم فراکسیۆنەکان بەمەبەستی لەنزیکەوە ئاشنا بوون بە بارودۆخی ناوچە سەرلەنوێ ئازادکراوەکانی رۆژئاوای دیجلە لەرووی ئەمنی و بارودۆخی پێشمەرگەو گیروگرفتی خزمەتگوزاریەکان بەگشتی و ئیدارەی ناوچەکان بەتایبەتی سەردانی دەڤەری زومماریان کرد.

ناحیەی وانکێ یەکەمین وێستگەی شاندەکە بوو کە لەلایەن بەرێوەبەری ناحیەی وانکێ و ئەنجومەنی ناحیە بەگەرمی بەخێرهاتنی شاندەکە کرا و لەدیدارێکدا کە ژمارەیەک ئەندامانی ئەنجومەنی پارێزگای موسڵ ئامادەیبوون ، بەرێوەبەری ناحیە ئەوەی خستە روو ئەم ناوچەیە بەهیمەتی و قارەمانێتی هێزی پێشمەرگەی کوردستان لەچنگی تیرۆریستانی داعش رزگارکرا و ئێستا لەکۆی سیی و دوو گوند تەنها شەش گوندی بچوک رزگارنەکراوە کەلەقوڵاییدان و ئەو ناحیەیە کە مادەی ١٤٠ ی دەستوری عیراق دەیگرێتەوە دانیشتوانی بەتێکرایی لەسەرجەم پێکهاتەکانن و زۆرینەی دانیشتوانی ناحیە نەتەوەی کوردن هەروەها گوتی ئەگەرچی وانکێ لەرووی ئیداریەوە سەر بە پارێزگای موسڵە و سەرەرای رزگارکرد

نی بەڵام تیرۆریستانی داعش ژێرخانی ئەو ناحیەیان وێرانکردوەو دوای خۆیان تاڵانی و ماڵوێرانی زۆریان جێهێشتوە کە لەرووی خزمەتگوزاری کێشەی زۆری بۆ ژیانی ئاسایی خەڵکی ناوچەکە دروستکردوە هەروەها حکومەتی بەغداش هاوکاریەکانی

پاشان ئەندامانی پەرلەمان بەپێی لیژنەو پسپۆرێتی خۆیان چەند پرسیارێکیان خستە روو کە مایەی وەلامی بەرێوەبەری ناحیەو ئامادەبوان بوو لەکۆتایی دیدارەکەشدا جێگری سەرۆکی پەرلەمانی کوردستان بەناوی سەرۆکایەتی و لیژنە هەمیشەییەکانی پەرلەمان سوپاسی بەرێوەبەری ناحیەو تەواوی کادیرانی ئیداریی کرد بۆ بەردەوامبون لەخزمەتکردن و لابردنی ئاستەنگ و کێشەکان و بەڵێنی دا بە دواداچون بۆ داواکانیان بکرێ و وەک رێزلێنان ئاڕمی پەرلەمانی کوردستانی بە دیاری پێشکەشکردن.لە ئۆفیسی مادەی ١٤٠ بڕێوەو ئامادە نیە وەک پێویست کار بۆ جێبەجێ کردنی ئەو مادەیە لەناوچەکە بکات و سوپاسی ئامادەیی حکومەتی هەرێمی کوردستانی کرد سەرەرای کێشەکانی بەڵام ئامادەیە لەزۆر بواردا خزمەتەکانی بگەێنێ و داوای لەپەرلەمانتارانیش کرد کار بکەن لەرووی دابینکردنی کادیری پزیشکی نەشتەرگەری و ئافرەتان و هەوڵی خۆیان بخەنە طةر.

 
 
 

 جێگری سەرۆکی پەرلەمان: هاتوین لەنزیکەوە رەوشی زومار و دانیشتوانی لەهەموو رووێکەوە ببینین

ئەمرۆ چوار شەممە ٢٥/٢/٢٠١٥ لەبەردەوامی سەردانەکەیان بۆ دەڤەری رۆژئاوای دیجلە شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و چەند ئەندامێکی پەرلەمانی سەرجەم فراکسیۆنەکان لەدەروازەی ناحیەی زوممار لەلایەن بەرێوەبەری ناحیەو ئاسایش و پۆلیس و ئەنجومەنی ناحیەو بەرێوەبەری یەکە ئیدارییەکانی ناحیەی زوممار بەگەرمی پێشوازیکران.

دواتر لەکۆبونەوەیەکدا دکتۆر جعفر ئیبراهیم ئێمینکی جێگری سەرۆکی پەرلەمانی کوردستان بەناوی سەرۆکایەتی پەرلەمان و ئەندامانی لیژنە هەمیشەییەکان ئەوەی خستە روو هاتوین لەنزیکەوە رەوشی زومار و دانیشتوانی لەهەموو رووێکەوە ببینین بەتایبەت دوای رزگارکردنی لەدەستی داعش و بەدواداچونی پێویست بۆ کێشەو داواکانتان بکەین ئەوەشی راگەیاند لیژنەکانی پەرلەمان ئەمە یەکەمین سەردانیان نیەو بەدرێژایی هەموو بەرەکانی جەنگ دژی داعش سەردانی ناوچەکانیان کردوەو بەدواداچونیان لەبارەی کەیسی جینۆسایدی ئێزیدیەکان و قەبارەی ئەو کارەساتەو ئاوارەیی هاوولاتیان و لێقەوماوانی ئەو دۆخە کردوەو ئەگەرچی ئەو ناوچەیە لەرووی ئیدایەوە سەر بەهەرێمی کوردستان نەبوەو پەیوەست بوە بەجێبەجێ کردنی مادەی ١٤٠ بەڵام خاکی کوردستانە و ئامادەین بەهەموو شێوەیەک کار بکەین تاوەکو کێشەو گرفتەکانتان کەم بکەینەوەو رێگە چارەی گونجاویان بۆ دانێین.

لەلایەن خۆیەوە بەرێوەبەری ناحیەی زوممار بە ناوی خەڵکی زوممار سوپاسگوزاری خۆیانی ئاراستەی هێزی پێشمەرگەی کوردستان کرد بۆ رزگارکردنیان لەدەستی داعش و پوختەیەکی لەبارەی ئەو کارەساتە مرۆییە خستە روو کە بەهۆی داگیرکردنی ناحیەکەیان خەڵکی روویان لە دهۆک کردو لەوێ نیشتەجێ کران ئێستاش ئەگەرچی زۆربەیان گەراونەتەوە بەڵام لەرووی ژێرخانی خزمەتگوزاری و ئیداری و تەندروستی و پێداویستیەکانی تر داعش تاڵانکاری زۆری دوای خۆی جێهێشتوەو ئەو ناحیەیە سەر بە بەغدا بوو لەرووی ئیداریەوە بەڵام وەک پێویست هیچی بۆ نەکراوەو لەچەند خاڵێکدا داوای کرد پەرلەمانی کوردستان هەوڵ بدات لەرێگەی حکومەتی هەرێم هاوکاری خەڵکی زوممار بکات .

دواتر یەکەیەکەی بەرپرسانی پۆلیس و ئاسایش و ئاوو کارەباو تەندروستی و پەروەردەو خزمەتگواریەکانی تر ئەو پێداویستیە هەنووکەییانەیان خستە روو کە بۆ سەرلەنوێ بوژاندنەوەی ناحیەکە پێویستەو لەلایەن شاندەکەوە بە بایەخەوە وەرگیراو بەڵێنیان پێ درا بەدواچونی پێویستی لەسەر بکەن و دوای گفتوگۆکردن لەگەڵ لایەنە پەیوەندارەکانی حکومەتی هەرێم لەوەڵامەکەی ئاگەدار بکرێنەوە. 

لەکۆتایی دیدارەکەشدا ئاڕمی پەرلەمانی کوردستان وەک دیاریەک پێشکەشی بەرێوەبەری ناحیەی زوممار و یەکە ئیداریەکانی ناحیەکە کرا.

وه‌فدی په‌رله‌مان هێزی پێشمەرگه له‌ رۆژئاوای دیجله‌ به‌سه‌ر ده‌كاته‌وه‌

ئەمرۆ چوار شەممە ٢٥/٢/٢٠١٥ دوا وێستگەی سەردانەکەی شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و چەند ئەندامێکی پەرلەمانی سەرجەم فراکسیۆنەکان، بەسەرکردنەوەی هێزی پێشمەرگەی کوردستان بوو له‌ ناوچه‌ی زومار (رۆژئاوای دیجله‌) کە لەلایەن فەرماندەی پێشمەرگە شێخ عەلی و ئەفسەرە پلە باڵاکانی پێشمەرگە بەگەرمی پێشوازیی کران.

لەوتەیەکدا جێگری سەرۆکی پەرلەمانی کوردستان سڵاو و پیرۆزبایی سەرۆکایەتی و ئەندامانی پەرلەمانی بە فەرماندەیی و گشت پێشمەگەکانی کوردستان گەیاند بەهۆی ئەو سەرکەوتنە مەزنانەی لەبەرەکانی جەنگ بەرامبەر تیرۆریستانی داعش و تێکشکاندنیان ئەنجامیان داوەو بەشی زۆری خاکی کوردستانیان لەچنگ داگیرکەرو تیرۆریستان رزگارکردوە، هه‌روه‌ك  سڵاوی خەڵکی کوردستانی گەیاندە خانەوادەی سەربەرزی شەهیدان کە بەخوێنی ئاڵی ئەو رۆڵە قارەمانانە ئەو سەرکەوتنە مەزنانە تۆمارکراوه‌و هیوای چاکبونەوەی بۆ برینداره‌كانیش خواست.

پاشان لەلایەن شێخ علی فەرماندەی هێزی پێشمەرگەی کوردستان لەو دەڤەرە پوختەیەک لەبارەی جوگرافیای ناوچەکە و پیلانی تیرۆریستان و ورەی بەرزی هێزی پێشمەرگەی کوردستان کە رۆژ بە رۆژ بەرزترەو پیلان و ئەفسانەی داعش تێکدەشکێنن و لەناویان دەبەن، شیکردنەوەی پێویستی پێشکەش کردن و وەڵامی تەواوی ئەو پرسیارانەی دایەوە کە پەرلەمانتاران ئاراستەیان کرد و رێگە چارەی ئەو گرفتانەشی خستەروو کەپێویستە بۆ لەناوبردنی داعش لەئایندەیەکی نزیک دا پەیرەو بکرێ.

پاشان شاندەکە سەردانی یەکەی پوچەڵکردنەوەی مین و تەقەمەنیەکانی کرد و لەلایەن ئەفسەری پێشەرگە کارو چالاکیەکان بەوردی خرانەروو کە ئەو یەکەیە لەپێناو پاراستنی سەروماڵی هاووڵاتیان سەدان مین و تەقەمەنیان پوچەڵکردۆتەوەو كه‌بەشێوازی جۆراوجۆر بۆ شەهیدکردنی هاووڵاتی و خەڵکی سڤیل و هێزەکانی پێشمەرگە دانرابۆو، بەڵام بەلێهاتووی پێشمەرگەکانی ئەو یەکەیە پوچەڵکراونەتەوە.

دواتر لەلایەن شاندەکەوە سوپاسی شەونخونی و ماندوبونی ئەو یەکەیە و تەواوی ئەو یەکانەی تایبەتن بەپوچەڵکردنەوەی مین کرا و ئەو جۆرە چالاکیانەیان بەرزنرخاند کە لەپێناو رزگارکردنی هاووڵاتیان ئەنجامیانداوەو تەنانەت شەهید و برینداریشیان هەبووە.

دواتر شاندەکە سەردانی بەرەکانی جەنگی دژ بە داعشی کرد و لەنزیکەوە لەرەوشی هێزی پێشمەرگە و توانا سەربازیەکانیان پرسی و دووپاتیان کردەوە مایەی سەربەرزیە هێزی پێشمەرگەی کوردستان سەرەرای ئەو قەیرانە داراییەو ئەو گرفتانەی حکومەتی بەغدا بۆ هەرێمی کوردستان دروستی دەکات، بەڵام پێشمەرگەی کوردستان لەبەرەکانی شەڕ بەورەیەکی زۆر بەرزو پۆڵایین رووبەروی تیرۆریستان بۆتەوەو خاکی کوردستان لەچەنگ داگیر کەران رزگار دەکا.

لەکۆتایی سەردانەکەش دەزگاکانی راگەیاندن لەبارەی ئامانجی سەردانەکەو هاتنی شاندەکەی پەرلەمان لەگەڵ جێگری سەرۆکی پەرلەمانی کوردستان دیداریان سازکرد و ئەندامێکی شاندەکەش وەڵامی پرسیارێکی رۆژنامەوانی دایەوە .

شاندی پەرلەمانی کوردستان بەسەرۆکایەتی جێگری سەرۆکی پەرلەمان سەردانی مەزاری شێخ شەرەفەدین دەكات

ئەمرۆ پێنچ شەممە ٢٦/٢/٢٠١٥ لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان سەردانی مەزاری شێخ شەرەفەدین یان لە سەر چیای شنگال کرد و لەلایەن خزمەتکاری مەزارگەکە و ژمارەیەک لە کەسایەتیەکانی شنگال و پێشمەرگە قارەمانەکان پێشوازییان لێکرا.

لەوتەیەکدا جێگری سەرۆکی پەرلەمانی کوردستان بەناوی سەرۆکایەتی پەرلەمان و ئەندامانی پەرلەمان جەختی لەسەر پشتیوانی پەرلەمانی کوردستان لەخەڵکی شنگال کردەوەو ئەوەی راگەیاند ئەو هێرش و پەلامارە دڕندانەیەی بەتایبەت دەرحەق بە ئێزیدیەکان کرا تاوانی جینۆساید و قڕکردن بوو تەواوکاری ئەو تاوانە نامرۆییانە بوو کە لەمێژوو دەرحەق بەگەلەکەمان کراوەو پەرلەمانی کوردستان وەک چۆن لەیەکەم رۆژەوە هاوسۆزی و پشتیوان بوە ئێستاش هاتنی ئەم شاندە دووپاتکردنەوەی ئەو راستیەیە کە ئێمە هاتوین لەنزیکەوە بەدواداچون بۆ رەوشی سەربازی و ئیداریی و خزمەتگوزاری دەڤەرەکە بکەین و هەر لیژنە و بەپێی پسپۆرێتی خۆی بەدواداچون بکات و هەوڵ بدەین بەهەماهەنگی لەگەڵ حکومەتی هەرێم وەک هەمشە کار بۆ کەمکردنەوەی ئێش و ئازارەکانتان بکەین.

لەلایەن خۆشیەوە خزمەتکاری پەرستگاکە بەناوی خەڵکی ناوچەکە سوپاسی هەر سێ سەرۆکایەتیەکەی هەریمی کرد کە بەهەموو شێوەیەک هاوکاری و پشتیوانی ئێزدیەکانیان کردوەو بەردەوامن و داوای کرد کار بکرێ شنگال بگەرێتەوە سەر هەرێمی کوردستان چونکە ئەو خودانی راستەقینەو خەمخۆری ئێزیدیەکانی شنگالە و داوای لەپەرلەمان کرد کار بکەن تاوەکو شنگال بکرێتە پارێزگایەک سەر بەهەرێمی کوردستان و جەختی لەسەر ئەوە کردەوە رزگارکردنی ئەو دەڤەرە مایەی سوپاس و پێزانینی هەموو خەڵکی دەڤەرەکەیە و کاری بەردەوام بۆ سوککردنی ئازارەکانی ئەو ناوچەیە پێویستە بۆ ئەوەی خەڵکی بگەرێنەوە سەر ماڵ و حاڵی خۆیان و لەمەترسیەکان بەیەکجاریی دوور کەەونەوە.

هەر لەسەر مەزاری شێخ شەرەفەدین ئەوە دووپاتکرایەوە کە هەموو هەوڵێکی دەستوریی و یاسایی دەدرێ بۆ ئەوەی بەئیرادەی خەڵکی ئەو ناوچەیە بگەرێنەوە سەر هەرێم و ئەوەش خرایە روو کە لەپێناو پاراستنی ئاینەکان و ئاینزاکان پرۆژە یاسایەک دەخرێتە بەردەم سەرۆکایەتی پەرلەمان بۆ پاراستنی ئاینی ئێزیدی و هەموو ئەو ئاینانەی لە کوردستان بوونیان هەیە تاوەکو هەرگیز دووچاری هیچ جۆرە ستەمێک نەبنەوەو مافەکانیان پارێزراو بێ.

 شاندی پەرلەمانی کوردستان بەسەرۆکایەتی جێگری سەرۆکی پەرلەمان سەردانى ناحیەی سنونێ دەكات

ئەمرۆ پێنچ شەممە ٢٦/٢/٢٠١٥ لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان گەیشتنە ناحیەی سنونێ و لەدەروازەی ناحیە لەلایەن بەرێزان قائیمقامی شنگال و ئەنجومەنی قەزاو بەرێوەبەری ناحیەی سنونێ و بەرێوەبەرانی یەکە کارگێڕیەکان و ناحیەکانی شنگال بەگەرمی پێشوازیکران.

دواتر لەکۆبونەوەیەکی فراواندا کە لەبەرێوەبەرایەتی ناحیەی سنونێ سازکرا، جێگری سەرۆکی پەرلەمان سڵاوو پیرۆزبایی پەرلەمانی کوردستان و خەڵکی کوردستانی بەخەڵکی شنگال و تەواوی ئێزیدیان راگەیاند بەبۆنەی سەرکەوتنەکانی هێزی پێشمەرگەو ئازادکردنی ئەو ناوچەیە و سڵاوورێزی ئاراستەی خانەوادەی تەواوی شەهیدانی کوردستان کرد کە بە خوێنی ئاڵیان و ئازایەتی بێ وێنەی هەموو هێزەکان لەشەرڤانان و پێشمەرگەو خۆبەخش توانیان ئەو سەرکەوتنانە تۆمار بکەن و چیای شنگال ئازاد بکەن کەمایەی رێزو پێزانینی هەموانە و ئازار و نەهامەتیەکانی ئەو دەڤەرەی کەمکردەوە. هەرەوەها رایگەیاند وەک پەرلەمانی کوردستان کە بەردەوام لەنزیکەوە پشتیوانییمان کردون و لەگەڵتان بوین بەئەرکی خۆمان زانی لەنزیکەوە هاوڕێ لەگەڵ لیژنە هەمیشەییەکانی پەرلەمان لە هەموو بوارێکەوە گوێتان لێبگرین و بەتەنگ داواو کێشە و گرفتەکانتان بێین لەرووی ئیداری خزمەگوزاری و سەربازیی و مرۆیی هەوڵ بدەین رێگە چارەی گونجاویان بۆ دەست نیشان بکرێ چونکە شنگال قوربانی زۆری پێشکەشی ئەم خاکە کردوەو لەهەموو رووێکەوە پێویستی بەپشتیوانی کردنە.

دواتر لەلایەن قائیمقامی شنگال و بەرێوەبەری ناحیەی سنونێ و بەرپرسانی یەکە ئیداریەکان و کەسایەتیەکانی دەڤەرەکە بەوردی تیشک خرایە سەر رەوشی ناوچەکە بە گشتی و ئەو کارە تێکدەرانەیەو ماڵوێرانیەی داعش دوای خۆی جێهێشتوەو پێداویستی هەنوکەییەکانی دانیشتوان  و ئەوەیان دووپاتکردەوە هەرچەندە بەپێی دەستور شنگال لەسەر ئیدارەی هەرێمی کوردستان نیە بەڵام لەم میحنەتە ئەوە سەلمێنرا کەشنگال کوردستانیەو دەبێ بگەڕێتەوە سەر هەرێمی کوردستان و تاکە رێگەیە بۆ چارەسەری چونکە سەرۆکی هەرێم و هێزی پێشمەرگەو هاوڵاتیان لەگەڵ خەم و ئازارەکانی شنگال بوەو سوپاسی خەڵکی کوردستان و پارێزگای دهۆکیان کرد بەتایبەتی کە توانیان ئەو هەموو ئاوارانە لەخۆبگرن و بیان حەوێننەوە پاشان بەوردی کێشە و پێداویستیەکانیان خستە روو کە مایەی سەرنج و بایەخی ئەندامانی پەرلەمان بوو هەر یەکەو بەپێی پسپۆرێتی و کاری لیژنەکەی لەپرسی داکۆکیکردن لەژنان و کەیسی ئافرەتانی شنگال و رەوشی خەڵکی ناوچەکە پرسیاری ئاراستەی قائیمقام و یەکە کارگێریەکان کرد و وەڵام درانەوە.

هەر لەدیدارەکەدا جێگری سەرۆکی پەرلەمانی کوردستان ئەوەی خستە روو سەرەرای هەوڵە بەردەوامەکان بەڵام ئازاری شنگال زۆر قوڵە و دەبێ بەردەوام کاری مەزنتر بکرێ ئەگەرچی ئێستا لەرووی بەجینۆساید ناساندنی رەوشی ئێزیدیەکان کاری جیدی کراوەو لەدادگای نێودەوڵەتی لاهای خراوەتە روو بەڵام هەمیشە بەردەوام دەبین بۆئەوەی بتوانین بەشێک لەئازارەکانی خوشک و برا ئێزیدیەکانمان کەمتر بکەینەوە .

شاندی پەرلەمانی کوردستان لەسەر چیای شنگال سەردانی بارەگای یەکینەکانی پاراستنی گەل دەكات

لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان لەسەر چیای شنگال سەردانی بارەگای یەکینەکانی پاراستنی گەل یەپەگە یان کرد و لەلایەن خەیری شنگالی ئەندامی سەرکردایەتی کۆما جڤاکێن کوردستانێ هاتنە پێشوازیکردن.

دکتۆر جعفر ئیبراهیم ئێمینکی جێگری سەرۆکی پەرلەمان بەناوی شاندەکە دەستخۆشی لەشەڕڤانان کرد کە بەشدارییان لە ئازادکردنی چیای شنگال کردوەو سڵاوی خۆی بە خانەوادەی شەهیدان راگەیاند و ئەوەی خستە روو تیرۆریستانی داعش دوژمنی هەموو بەها ئەخلاقی و کۆمەڵایەتیەکان و گەلەکەمان بوون مایەی سەربڵندیە هاوشانی هێزی پێشمەرگەی کوردستان ژمارەیەک هێزی تر لە پارچەکانی کوردستان بەشداربوون لەرزگارکردنەوەی ئەم خاکە پیرۆزە ئەوەش دووپاتکرایەوە وەک چۆن هێزی پێشمەرگە بەهانای خەڵکی کۆبانێ چوو ئێستا وێڕای ئازادکردنی کۆبانێ زۆربەی هەرە زۆری گوندەکانی کۆبانێش ئازاد کران بەهەمان شێوە لەشنگال و مخمورو جەلەولا هێزەکانی پارچەکانی کوردستان  هاوکارو پشتیوانی هێزی پێشمەرگە بوونە و قوربانیان داوە کە ئەمە مایەی سەربڵندیمانە چونکە ئەمە یەکەم جار نیە لەمێژووی سەربەرزی گەلەکەمان بەهانای یەکتر بچین لەکۆماری مەهابادیش بارزانی و بارزانیەکان بە هانای کۆماری مەهاباد چوون و هەروەها لەشۆڕشەکانی تریش

لەلایەن خۆشیەوە زەکی شنگالی زۆر بەگەرمی بەخێرهاتنی شاندەکەی کرد و دووپاتی لە یەکبونی گەلی کوردستان کردەوە چونکە ئێمە بەرامبەر دوژمنێکی سەرسەختین و دەبێ بەهۆی بەرخودانی هاوبەش رووبەروویان  بوەستینەوەو بە لێک گەیشتن و دانوستانی بەردەوام کێشەو گرفتەکان چارەسەر بکەین.

شاندی  پەرلەمانی کوردستان لەسەر چیای شنگال سەردانی یەکەی گەرۆکی تەندروستیان دەكات

لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان لەسەر چیای شنگال سەردانی یەکەی گەرۆکی تەندروستیان کرد و لەلایەن پزیشک و کارمەندانەوە بەگەرمی پێشوازیکران.

دواتر پوختەیەک لەبارەی کارەکانیان خرایە روو کە ئەو بنکەیە بەردەوام لەسەر چیای شنگال خزمەگوزاریە سەرەتایی و سەرەکیەکانی پێشکەشی ئاوارەکانی سەرچیای شنگال و پێشمەرگەکان کردوەو ئێستاش بەردەوامە لە کارەکانی دواتر ئەو کێشەو کەموکورتیانەش خرانە روو کە پێویستە بۆیان دەستەبەر بکرێ.

لەلایەن خۆشیەوە دکتۆر جعفر ئیبراهیم ئێمینکی جێگری سەرۆکی پەرلەمان بەناوی شاندەکە سوپاسی ماندووبون و هەوڵەکانی ئەو بنکەیە و کادیرانی کرد کە بەگیانی ورەی بەرزی پێشمەرگە خزمەتی خەڵکی ئاوارەی سەرچیای شنگال و پێشمەرگەکانیان کردوەو دەستخۆشی لێکردن و هاوکات بەڵێن درا لەرێی لیژنەی تەندروستی کار بکرێ بۆ باشتر کردنی رەوشی ئەو بنکەیە چونکە بەشێوەیەکی نموونەیی توانیویانە بەسەر ئاستەنگەکان زاڵ بن و لەو بارودۆخەدا بەهانای نەخۆش و برینداران بچن.

 

 دابەشکردنی کۆمەک و هاوکاری بەسەر ئاوارەو لێقەوماوانی سەر چیای شنگال بە ئامادەبوونى شاندی پەرلەمانی کوردستان

لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان لەسەر چیای شنگال ئاگاداری دابەشکردنی ئەو کۆمەک و هاوکاریە مرۆییانە بوون کە دەزگای خێرخوازی بارزانی و رێکخراوە مرۆییەکان بەسەر ئاوارەو لێقەوماوانی سەر چیای شنگال لەرووی دابینکردنی کەرەستەو پێداویستی ژیانی رۆژانە و پۆشاک و نەوت و خواردەمەنی پێشکەشی ئاوارەکانی دەکەن و هەر لەسەر چیای شنگال جێگری سەرۆکی پەرلەمان و شاندی یاوەری چاویان بە بەرپرسانی رێکخراوی شێر مێرسی نەرویجی کرد کە بەشداربوون لە پێشکەشکردنی هاوکاری بۆ ئاوارەکان و سوپاسی ماندوبونی و هەوڵەکانیان کرا بۆ بە هانا هاتنی لێقەوماوان.

لەبەرامبەردا بەرپسی شاندەکە ئەوەی خستە روو کە ئەوان نوێنەرایەتی ژمارەیەک رێکخراوی خێرخوازی دەکەن و بەردەوام دەبن لە پێشکەشکردنی هاوکاری بۆ ئاوارەکان چونکە قەبارەی ئەو کارەساتە زۆر گەورەیەو دەبێ بەهەموو لایەک بە هانایان بچین دواتر وەک رێزلێنانێک لەهەموو ئەوانەی بەهانای لێقەوماوانی شنگال و ئاوارەکان هاتوون ئارمی پەرلەمان پێشکەشی رێکخراوی شێر مێرسی کرا.

 شاندی پەرلەمانی کوردستان بەسەرۆکایەتی جێگری سەرۆکی پەرلەمان ژمارەیەک لە هێزەکانی پێشمەرگەی کوردستانیان بەسەر کردەوە

لەدوەمین رۆژی سەردانەکەیان دا شاندی باڵای پەرلەمانی کوردستان بەسەرۆکایەتی دکتۆر جەعفەر ئیبراهیم ئێمینکی جێگری سەرۆکی پەرلەمان و ئەندامێتی سەرۆک و ژمارەیەک لەئەندامانی لیژنەکانی پێشمەرگە و ناوخۆ و کارو کاروباری کۆمەڵایەتی و تەندروستی و کاروباری ناوچەکانی دەرەوەو داکۆکیکردن لەمافی ژنان و ئافرەتان و مافی مرۆڤ و کۆمەڵگەی مەدەنی و دارایی و ئابوری و کشتوکاڵ و چەند ئەندامێکی پەرلەمانی سەرجەم فراکسیۆنەکان لەسەر چیای شنگال و بەدرێژایی رێگای رەبیعە شنگال ژمارەیەک لە هێزەکانی پێشمەرگەی کوردستانیان بەسەر کردەوە.

لەو دیدارانەدا جێگری سەرۆکی پەرلەمان سوپاسی ورە بەرزی و قارەمانێتی پێشمەرگەکانی کرد و پیرۆزبایی ئەو سەرکەوتنانەی لێکردن کە بەدەستیان هێناوەو سڵاوی پەرلەمانی کوردستانی بە دایکان و خانەوادەی سەربەرزی شەهیدان راگەیاند و دووپاتی کردەوە ئەمرۆ مایەی شەرەفێکی گەورەیە کە پێشمەرگە قارەمانەکان سەرەرای قەیرانی دارایی و نەبونی موچە و کەمی پێداویستیە سەربازیەکان بەڵام بەگیانی لەخۆبوردوانەو ئیرادەی پۆڵایین رووبەرووی تیرۆریستانی داعش بونەوەو رۆژ لە دوای رۆژ سەرکەوتنی مەزن بەدەست دێنن سەرەرای ئاستەنگەکان بەڵام پێشمەرگە سەلماندی رۆڵەی گەلەو هەمان قارەمانی داستان و نەبەردیەکانە.

لەلایەن خۆشیانەوە بەرپرس و فەرماندە و پێشمەرگەکان بەوپەڕی خۆشحاڵیەوە پێشوازیان لەشاندی باڵای پەرلەمان کرد و لەبارەی بەرەکانی شەر و نەبەردیەکان دژی داعش روونکردنەوەی پێویستیان پێشکەش کرد و ئەوەشیان روون کردەوە ئەگەرچی ئەمە یەکەمجارە هێزەکانی پێشمەرگە لەدەشت رووبەرووی دوژمنان بەو شێوەیە دەبنەوە بەڵام توانرا بەحیکمەتی فەرماندەی گشتی هێزی پێشمەرگەو تەواوی بەرپرسان پلانی تۆکمەی سەربازی پەیرەو بکرێ و لەماوەیەکی پێوانەیی رووبەرێکی فراوانی ئەو خاکە لەچنگ تیرۆریستانی داعش پاک بکرێتەوە.

هەر لەو دیدارانە ئەندامانی لیژنەی پێشمەرگە و ناوخۆ و تەواوی ئەندامان خۆشحاڵی خۆیان بەسەرکەوتنەکانی پێشمەرگە دەربڕی و ژمارەیەک پرسیاریان ئاراستە کردن.

 

 

 

 

 

 

 

 


رۆژمێرى رووداوه‌كان