سەرۆکی پەرلەمان: پەرلەمان کار بۆ بە نێودەوڵەتی کردنی کارەساتە تراژیدییەکانی گەلی کورد دەکات

17/09/2015 04:05:00 م
سەرۆکی پەرلەمانی کوردستان، لە پێشوازی پارێزگاری هەڵەبجە و شاندێک لە کۆمەڵەی قوربانیانی هەڵەبجە و پارێزەرانی کەیسی بە جینۆسایدناساندنی کارەساتی هەڵەبجەدا، دەڵێت "دەبێت لەسەر ئاستی ناوخۆیی و نێودەوڵەتیدا کار بۆ بە جینۆسایدناساندنی کارەساتی هەڵەبجە و کارەساتە تراژیدییەکانی تری گەلی کورد بکەین و ئەو تاوانانە وەک تاوانێکی دژ بە مرۆڤایەتی بناسێنین."
ئەمڕۆ ٥ شەممە ١٧ی ئەیلول، شاندێک لە پارێزەران و کۆمەڵەی قوربانیانی هەڵەبجە بەسەرۆکایەتی عەبدوڵڵا نەورۆڵی پارێزگاری هەڵەبجە سەردانی پەرلەمانیان کرد و لەگەڵ سەرۆک و سکرتێری پەرلەمان کۆبوونەوە، لەسەرەتای کۆبوونەوەکەدا، ئامادەبوان پڕۆژە یاسایەکیان پێشکەش بە  سەرۆکی پەرلەمان کرد بۆ پاراستنی ماف و ئیمتیازی قوربانیانی چەکی کیمیاویی لەسەر ئاستی ناوخۆیی و نێودەوڵەتی."
د.یوسف محەمەد سادق سەرۆکی پەرلەمان، پشتیوانی لە پڕۆژە یاساکە کرد و ئاماژەی بەوەدا، ئەمە سەرەتایەکی گرنگە بۆ بە نێودەوڵەتی کردنی تاوانەکانی بەعس و تیرۆرستان لە کوردستان."
لەبارەی ناساندنی ئەم پڕۆژەیەش لەسەر ئاستی نێودەوڵەتی، سەرۆکی پەرلەمان وتی "پەرلەمان کار بۆ بە نێودەوڵەتی کردنی تاوان و کارەساتە تراژیدییەکانی گەلی کورد دەکات، لەم رووەشەوە پەرلەمانی کوردستان بۆ یەکەمینجار دوای داگیرکردنی شنگال، لەسەر تاوانی فڕاندنی کچان و ژنانی ئێزیدی، لەدادگای لاهای نێودەوڵەتی داوای لەسەر ڕێکخراوی تیرۆرستی داعش تۆمار کردووە."
 

رۆژمێرى رووداوه‌كان

<تشرين الثاني 2017>
سأاثأخج
28293031123
45678910
11121314151617
18192021222324
2526272829301
2345678