جێگری سەرۆكی پەرلەمانی كوردستان سەردانی یەكێتی زانایانی ئایینی دەكات

13/08/2018 05:15:00 م

ئەمڕۆ 13/8/2018 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان و ژمارەیەك لە ئەندامانی پەرلەمان،  سەردانی بارەگای یەكێتی زانایانی ئایینی ئیسلامی كوردستانیان كرد، بە مەبەستی پیرۆزبایی لێكردنیان بە بۆنەی سەركەوتنی كونگرەی شەشەمی یەكێتی زانیان.

جێگری سەرۆكی پەرلەمان ئاماژە بە رۆڵی بەرچاو و كاریگەری یەكێتی زانایانی ئایینی ئیسلامی كوردستان كرد بۆ گەیاندنی پەیامی نیشتیمانی و ئینتیمای كوردستانییان بۆ خاك و وڵاتەكەیان وەك رۆڵێكی سەرەكی بۆ رووبەڕووبوونەوی دوژمنان و زاڵبوون بەسەر قەیرانەكاندا، هەروەها پشتیوانی پەرلەمانی كوردستانیشی بۆ یەكێتی زانایان و هەوڵەكانیان دەربڕی و ئاماژەشی بە هەوڵەكانی پەرلەمانی دا لە هەماهەنگی بەردەوام و پشتیوانیكردنی زانایان لە كوردستاندا. لە بەرامبەردا و دووبارە بە ناوی پەرلەمانی كوردستان پیرۆزبایی ئاراستەی یەكێتی زانایانی ئایینی ئیسلامی كوردستانی كرد بە بۆنەی سەركەوتنی شەشەمین كۆنگرەكەیان.

شایانی باسە یەكێتی زانایانی ئایینی ئیسلامی كوردستان لە ڕۆژانی 24‌و25/7/2018 لەژێر در‌وشمی ( زانست، پیشەیی بو‌ون، نیشتیماندۆستی) بە ئامادەبو‌ونی (260) ئەندام، كە نوێنەرایەتی زانایانی كوردستانیان دەكرد، كۆنگرەی شەشەمی خۆی ساز كرد، لە هەردو‌و ڕۆژانی كۆنگرەدا ئەندامان گەنگەشەی كۆمەڵێك پرسی هەنوكەیی‌و چارەنوسسازی پەیوەست بە زانایانی ئایینی ئیسلام‌و بار‌ودۆخی ئەمڕۆی هەرێمی كوردستان كرد، ‌وێڕای پێداچونە‌وە بە پەیڕە‌و پڕۆگرامی یەكێتی زانایان.


رۆژمێرى رووداوه‌كان