لیژنەی كاروبارى شەهیدان و جینۆساید و زیندانیانی سیاسی یەکەم کۆبوونەوەی خۆی ئەنجامدا

01/04/2019 10:45:00 ص
بەمەبەستی دانانی پلانی کارکردنیان بۆ چوار ساڵی داهاتووی لیژنەکەیان بۆ ئەو خولەی پەرلەمانی کوردستان، سەرلەبەیانیى ئەمڕۆ ١/٤/٢٠١٩، لیژنەی كاروبارى شەهیدان و جینۆساید و زیندانیانی سیاسی له‌ په‌رله‌مانی كوردستان، بەسه‌رپه‌رشتیی سه‌وسه‌ن محه‌مه‌د میرخان، سەرۆکی لیژنە و ئاماده‌بوونی جیگر و بڕیاردەر و ئەندامانی لیژنەکە کۆبۆوه‌.
کۆبوونەوەکە کە لە هۆڵی لیژنەی شەهیدان بەڕێوەچوو، به‌ده‌قیقه‌یه‌ك وه‌ستان به‌بێده‌نگی بۆ گیانی پاكی شه‌هیدانی كوردستان ده‌ستیپێكردو وەک دەستپیکی یەکەم کۆبوونەوەش (گوڵی وەفا بۆ شەهیدان) لەلایەن سەرۆکی لیژنە پێشکەش بەسەرجەم ئەندامانی لیژنەکە کراو جەخت لەسەر ئەوە کرایەوە کە بەیەک چاو سەیری سەرجەم شەهیدانی کوردستان و کەسوکارەکانیان بکرێت، چونکە شەهیدان موڵکی هەموو کوردستانن.
پاشان لەلایەن سەرۆکی لیژنەوه‌ کۆمەڵێک پلان خرانەڕوو کە پەیوەندیی راستەوخۆیان بە ژیانی کەسوکاری سەربەرزی شەهیدان هەیەو بەپێویستیان زانی کە لەماوەی چوار ساڵی داهاتوودا لەگەڵ لایەنی پەیوەندیدار لە حکومەتی هەرێمی کوردستان هەوڵی جدی بدرێت بۆ بەدیهێنانیان. 
دواتر هەریەک لە جێگر و بڕیاردەر و ئەندامانی لیژنەکە چەندین پێشنیازیان خستەڕوو كه‌ لە خزمەتی  کەسوکاری شەهیدان و باشترکردنی ژیان و گوزەرانیان و دابینکردنی خزمەتگوزاریی زیاتر بۆیان تابتوانن درێژە بە ژیانێکی سەربەرزانە بدەن، دوای کۆبوونەوەکەش بڕیاریاندا بە ڕاپۆرتێک سەرۆکایەتیی پەرلەمانی کوردستان لە ناوەڕۆکی کۆبوونەوەکە ئاگادار بکەنەوە.

رۆژمێرى رووداوه‌كان

>