لیژنه‌ى داكۆكى كردن له‌ مافه‌كانى ئافره‌ت

لیژنه‌ى داكۆكیكردن له‌ مافه‌كانی ئافره‌ت له‌گه‌ڵ شاندێكی ده‌سته‌ى نه‌ته‌وه‌یه‌كگرتووه‌كان بۆ ئافره‌تان كۆبۆوه‌

به ‌مه‌به‌ستى هه‌ڵسه‌نگاندنى رۆڵى ئافره‌تان و هاریكاریكردن و رێگریگردن له‌پێشێلكارییه‌كان به‌رامبه‌ریان، سه‌عات 11ی پێشنیوه‌ڕۆى ئه‌مڕۆ 2016/1/14، لیژنه‌ى داكۆكیكردن له‌ مافه‌كانى ئافره‌ت له‌ په‌رله‌مانى كوردستان، له‌گه‌ڵ هێبه‌ قه‌سه‌س به‌رپرسى یه‌كه‌مى ده‌سته‌ى نه‌ته‌وه‌یه‌كگرتووه‌كان بۆ ئافره‌تان و په‌خشان كاكه‌وه‌یس به‌رپرسى نوسینگه‌ى هه‌ولێرى ده‌سته‌كه‌ كۆبۆوه‌.

شاندێكی په‌رله‌مانى كوردستان سه‌ردانى كۆنسوڵى گشتیى ئیمارات ده‌كات

به‌ مه‌به‌ستى پیرۆزباییكردن به‌ بۆنه‌ی وه‌رگرتنی پۆستی سه‌رۆكی په‌رله‌مانی ئیمارات له‌لایه‌ن خانمێكه‌وه‌ ‌و دروستكردنی په‌یوه‌ندی له‌ نێوان لیژنه‌كانی په‌رله‌مان ‌و كونسوڵخانه‌ی ئیمارات له‌ هه‌ولێر، ئه‌مڕۆ 2015/12/21 شاندێكی په‌رله‌مانى كوردستان كه‌پێكهاتبوو له‌ كه‌ژاڵ هادی جێگری سه‌رۆكی لیژنه‌ی داكۆكیكردن له‌ مافه‌كانی ئافره‌ت و ڤیان عه‌باس جێگری سه‌رۆكی لیژنه‌ی په‌یوه‌ندییه‌كان ‌و كاروباری ره‌وه‌ندی كوردستانی ‌و ژماره‌یه‌ك له‌ ئه‌ندامانی هه‌ردوو لیژنه‌كه‌، سه‌ردانى كۆنسوڵخانه‌ى وڵاتى ئیمارات-یان له‌ شارى هه‌ولێر كرد و له‌لایه‌ن شێخ راشد مه‌نسورى پێشوازییان لێكرا.

كۆبوونه‌وه‌كان بۆ تاووتوێكردنی پڕۆژه‌ یاسای سه‌ندوقی چاودێری و هاریكاریی كۆمه‌ڵایه‌تی درێژه‌یان هه‌یه‌

له‌ درێژه‌ی كۆبوونه‌وه‌كاندا به‌ مه‌به‌ستی تاووتوێكردنی پڕۆژه‌ یاسای سه‌ندوقی چاودێری و هاریكاریی كۆمه‌ڵایه‌تی، پێشنیوه‌ڕۆی ئه‌مڕۆ 2015/12/9، لیژنه‌ی كاروباری كۆمه‌ڵایه‌تی و منداڵ و خێزان، به‌ هاوبه‌شی له‌گه‌ڵ لیژنه‌ی داكۆكیكردن له‌ مافه‌كانی ئافره‌ت له‌ په‌رله‌مانی كوردستان، پێشوازییان له‌ شاندێكی بانكی نێوده‌وڵه‌تی كرد.

به‌یاننامه‌ى لیژنه‌ى داكۆكیكردن له‌ مافه‌كانی ئافره‌ت له‌ په‌رله‌مانى كوردستان به‌بۆنه‌ى 25ى نۆڤه‌مبه‌ره‌وه‌ (رۆژى جیهانیى توندوتیژى دژ به‌ ژنان )

به‌بۆنه‌ى 25ى نۆڤه‌مبه‌ره‌وه‌، (رۆژى جیهانیى توندوتیژى دژ به‌ ژنان )، لیژنه‌ى داكۆكیكردن له‌ مافه‌كانی ئافره‌ت له‌ په‌رله‌مانى كوردستان به‌یاننامه‌یه‌كی بڵاوكرده‌وه‌، كه‌ ئه‌مه‌ ده‌قه‌كه‌یه‌تی:

لیژنه‌یه‌ك بۆ به‌دواداچوون له‌سه‌ر كوشتنى ئافره‌ته‌كه‌ى سلێمانى پێكهێنرا

دواى ئه‌وه‌ى له‌چه‌ند رۆژى رابردوودا، ئافره‌تێك له‌ پاركى دایك له‌ شارى سلێمانى كوژرا، سه‌عات 12ى نیوه‌ڕۆى ئه‌مڕۆ 2015/10/4، لیژنه‌ى داكۆكیكردن له‌مافه‌كانى ئافره‌ت له‌ په‌رله‌مانى كوردستان، به‌ سه‌رۆكایه‌تیى ئێڤار ئیبراهیم سه‌رۆكى لیژنه‌ و ئاماده‌بوونى جێگرى سه‌رۆكی لیژنه‌ و بڕیارده‌ر و ژماره‌یه‌ك له‌ ئه‌ندامانى و راوێژكارانى لیژنه‌كه‌، كۆبۆوه‌.

لیژنه‌ی ئافره‌تان داوا ده‌كات ئه‌وانه‌ی سووكایه‌تی به‌ ژنان ده‌كه‌ن لێپێچینه‌وه‌ی یاساییان له‌گه‌ڵدا بكرێت

لیژنه‌ی داكۆكیكردن له‌ مافه‌كانی ئافره‌ت له‌ په‌رله‌مانی كوردستان، له‌ به‌یاننامه‌یه‌كدا داوا ده‌كات لێپێچینه‌وه‌ له‌گه‌ڵ ئه‌و كه‌سانه‌ بكرێت كه‌ په‌نا بۆ ناوزڕاندن ‌و سووكایه‌تیكردن ‌و په‌لاماردانی ژیانی تایبه‌تیی ژنانی كورد ده‌به‌ن. ئه‌مه‌ش ده‌قی به‌یاننامه‌كه‌یه‌:

تاووتوێى هه‌موارى یاسای توندوتیژیى خێزانى ده‌كرێت

به‌ مه‌به‌ستی ده‌وڵه‌مه‌ندكردنى زیاتری هه‌موارى یاسای توندوتیژیى خێزانى ‌و سوود وه‌رگرتن لێی، یۆنامى توێژینه‌وه‌یه‌ك ده‌داته‌ په‌رله‌مانى كوردستان، رۆژی 2015/8/11، كه‌ژاڵ هادى جێگرى سه‌رۆكى لیژنه‌ى داكۆكیكردن له‌مافه‌كانى ئافره‌ت له‌ په‌رله‌مانی كوردستان، له‌گه‌ڵ هێلین هێرس نوێنه‌رى یۆنامى كۆبۆوه‌.

لیژنه‌ى داكۆكیكردن له‌ مافه‌كانی ئافره‌ت به‌شدارى له‌ كۆنفڕانسى تواناسازیى ژنان بۆ چاره‌سه‌ركردنى ئاسه‌وارى تیرۆر ده‌كات

له‌ ساڵیادى جینۆسایدى ناوچه‌ى شنگال و به‌ مه‌به‌ستى خستنه‌گه‌ڕى رۆڵ و تواناكانى ژنان له‌ چاره‌سه‌ركردنى ئاسه‌وارى تیرۆر، ئه‌مڕۆ 2015/8/3، ئێڤار ئیبراهیم سه‌رۆكى لیژنه‌ى داكۆكیكردن له‌ مافه‌كانى ئافره‌ت له‌ په‌رله‌مانی كوردستان، به‌ نوێنه‌رایه‌تیی لیژنه‌كه‌، به‌شداریى له‌ كۆنفڕانسى تواناسازیى ژنان بۆ چاره‌سه‌ركردنى ئاسه‌وارى تیرۆر كرد، كه‌ له‌لایه‌ن ئه‌نجوومه‌نى باڵاى خانمان رێكخرابوو.

نزیكه‌ى 1000 ژن و كچى ئێزدى له‌ ده‌ستى داعش رزگاریان بووه‌
وه‌زاره‌تى كارى عێراق مووچه‌یان بۆ ده‌بڕێته‌وه‌

به‌ مه‌به‌ستى ئاگاداربوون له‌ ره‌وشى جه‌سته‌یى و ده‌روونیى ئه‌و ژن و كچه‌ ئێزدییانه‌ى كه‌ له‌ ده‌ست گرووپى تیرۆریستیى داعش رزگاریان بووه‌ و لێكۆڵینه‌وه‌ له‌ دۆخى ئاواره‌كان، ڕۆژی 2015/7/26، وه‌فدێكی لیژنه‌ی داكۆكیكردن له‌ مافه‌كانی ئافره‌ت له‌ په‌رله‌مانی كوردستان، به‌ سه‌رۆكایه‌تیى ئێڤار ئیبراهیم سه‌رۆكی لیژنه‌ ‌و یاوه‌ریی جێگری سه‌رۆكی لیژنه‌ بڕیارده‌ر و ژماره‌یه‌ك له‌ ئه‌ندامانى لیژنه‌كه‌، سه‌ردانى پارێزگاى دهۆك-یان كرد.

په‌رله‌مان ئاماده‌كارى بۆ به‌شداریكردن له‌ دانیشتنى ئه‌نجوومه‌نى مافى مرۆڤى نه‌ته‌وه‌یه‌كگرتووه‌كان ده‌كات

به‌ مه‌به‌ستى چۆنیه‌تیى به‌شداریكردن له‌ دانیشتنی ئه‌نجوومه‌نی مافی مرۆڤی نه‌ته‌وه‌ یه‌كگرتووه‌كان، ئه‌مڕۆ 30/6/2015، لیژنه‌كانی مافى مرۆڤ و كاروباری كۆمه‌ڵى مه‌ده‌نى و داكۆكیكردن له‌ مافه‌كانى ئافره‌ت به‌ سه‌رۆكایه‌تیى ئێڤار ئیبراهیم ‌و ئاماده‌بوونى ژماره‌یه‌ك له‌ ئه‌ندامان و راوێژكارانى هه‌ر سێ لیژنه‌كه‌، له‌گه‌ڵ هۆگر چه‌تۆ چالاكوانى كۆمه‌ڵى مه‌ده‌نى، له‌ ته‌لارى په‌رله‌مان كۆبوونه‌وه‌یه‌كی هاوبه‌شیان ئه‌نحامدا.

له‌سه‌ر داوای په‌رله‌مان
مووچه‌ بۆ ژنان و منداڵه‌ ئێزدییه‌ رزگاربووه‌كانی ده‌ستی داعش ده‌بڕدرێته‌وه‌

دواى ئه‌وه‌ى لیژنه‌ى داكۆكیكردن له‌ مافه‌كانى ئافره‌ت له‌ په‌رله‌مانى كوردستان، سه‌ردانى شارى به‌غدا-یان كرد ‌و له‌گه‌ڵ لیژنه‌ى به‌رگریكردن له‌ مافه‌كانى ئافره‌ت له‌ ئه‌نجومه‌نى نوێنه‌رانى عیراق كۆبوونه‌وه‌ ‌و كێشه‌ و گرفت و بارودۆخى ژیانى ژنان و منداڵانى ئێزدی-یان به‌ هاوبه‌شى گه‌یانده‌ وه‌زاره‌تى كاروكاروبارى كۆمه‌ڵایه‌تیى حكومه‌تی عیراق ‌و ئه‌وه‌ بوو دواجار بڕیارى بڕینه‌وه‌ى مووچه‌یان بۆ درا.

په‌رله‌مانتاره‌ ئافره‌ته‌كانى په‌رله‌مان كۆده‌بنه‌وه‌

بۆ ئاماده‌كردنى ره‌شنووسێك سه‌باره‌ت به‌و ماددانه‌ى كه‌ له‌ ده‌ستووردا په‌یوه‌ستن به‌ پرسى ئافره‌تان ‌و پرسی بڕینه‌وه‌ی مووچه‌ بۆ ژنان و كچانى ئێزدى ئه‌وانه‌ی كه‌ ئازاد كراون یاخود گه‌ڕاونه‌ته‌وه‌، بڕیاره‌ به‌یانى په‌رله‌مانتاره‌ ئافره‌ته‌كان له‌ فراكسیۆنه‌ جیاجیاكانى ناو په‌رله‌مان كۆببنه‌وه‌.

12

رۆژمێرى رووداوه‌كان

په‌خشى راسته‌خۆ